Fajropotaj kodumuloj




Filmo: "Ŭomen" (我们)


E-mail this post



Remember me (?)



All personal information that you provide here will be governed by the Privacy Policy of Blogger.com. More...



Filmnomo: 我们 (ankaŭ nomiĝis 兄弟, aŭ "Fratoj")
Pinjin: Wŏmen
Esperanto: Ŭomen ("Ni")
Loko: Ĉinio
Lingvo: ĉina lingvo/mandarena
Reĝisoro: 曾念平
Ĉefaktoroj: 徐僧, 张彤, 沉畅
Jaro: 2005

Mi ne precipe ekspektis ion de la filmo kiun mi vidis hodiaŭ, mi nur sciis ke retkritikistoj kaj forumoj priskribis ĝin kiel "moderna klasiko" kaj "filmo ke montras la kvaliton de la emocioj de la moderna urba vivo". Mi ne estas tamen persono kiu pensas ke oni devas kredi ĉion kion oni legas, kaj la rakontintrigo ne ŝajnis ekstreme interesa -- "Ŭomen" estas bazita sur la seriaj libroj "Absoluta Privateco" (绝对隐私) de la fama aŭtoro An Dun (安顿); krom ĉi tiu lasta filmo, ekzistas 9 aliaj en la serio de 10 filmoj.

Sed dum mi spektis la filmon mi trovis la rakonton kaj la subtilajn interligojn de la rolantoj profunde kortuŝajn. Mi ne povas klarigi pli bone, sed kiam la filmo finis, mi sentis ke ĝi jam instruis al mi ion pri la vivo kaj la respondeco, kvankam mi ankoraŭ ne scias ĝuste kion...

La strukturo de la filmo baziĝas sur renkontoj kun la fratino de la du ĉefrolantoj, kiu aŭskultas dum malsamaj personoj en la filmo rakontas siajn memorojn. La rakonto pritraktas du fratojn, du knabinojn kaj la personojn ĉirkaŭ ili (ĉefe la familio kaj amikoj de la knaboj). La pliaĝa frato Ŭenzo (文子) estas humilega kaj lernema, la ĝusta kontraŭo de lia frato Ljangzo (梁子). Tamen la du fratoj estas sendisiĝeblaj, kaj la pliforta Ljangzo ofte defendas lian fraton kiam aliaj en la kvartalo turmentas lin.

La knabino Ŝigŭa (大西瓜, moknomo kiu signifas "akvomelono") amas Ljangzon, sed li amas ŝian amikon Laŭuo (老五), kaj kruele ignoras ŝin. Tamen, laŭ la oftokaza modelo, Laŭo amas la fraton de Ljangzo, Ŭenzon, kaj penas malfacile por rimarkigi lin pri ŝi. Laŭ la rakontintrigo de normala filmo, la herooj de la rakonto estus Ŭenzo kaj la deĉiuj-amata Laŭuo, sed en ĉi tiu filmo, post la malkaŝo de multaj sekretoj, la figuroj de Ŝigŭa kaj precipe Ljangzo grandiĝas kaj heroiĝas dum ili responsiĝas pro la eraroj de la amantoj Laŭuo kaj Ŭenzo. La finaj scenoj kun Ljangzo kaj lia filo estas samtempe altlevaj kaj korrompaj.

Mi estis evidente en la ĝusta humoro por spekti ĉi tiun filmon. Multaj filmoj kiuj rakontas la saman rakonton mi trovas tedajn. Tamen "Ŭomen" estas por mi la plej bonan filmon kiun mi spektas dum longatempo.


0 Responses to “Filmo: "Ŭomen" (我们)”

Leave a Reply

      Convert to boldConvert to italicConvert to link

 


Pri mi

Previous posts

Arkivo

Ligoj


ATOM 0.3